Пиоли објасни што му е потребно на Милан за да ја победи Рома

Милан ќе мора да ја совлада Рома на вечерашниот меч на „Олимпико“ ако сака да се пласира во полуфиналето на Лига Европа.

„Росонерите“ го загубија првиот дуел со 1-0 и сега ќе мора да го возвратат ударот за да продолжат во наредната фаза, но тоа нема да биде лесна мисија затоа што противникот е во добра форма и игра на домашен терен пред своите гледачи.

Тренерот Стефано Пиоли е свесен за предизвикот и за тоа што го очекува, но верува во неговите момци.

-Тоа сигурно ќе биде натпревар на високо ниво. Мора да се грижиме за деталите повеќе од минатиот четврток. Му верувам на тимот.

-Тоа е работата. Ако добро се браниме, можеме да го добиеме натпреварот. Ова нокаут меч, но мора да уживаме во оваа вечер. Важно е да оставиме се на теренот, -порача Пиоли.

Средбата е закажана за 21 часот.