🎥Нешто опасно „смрди“ во Ливерпул: Погледнете ја караницата меѓу Клоп и Салах

По поразот од Евертон, Ливерпул попладнево ремизираше 2:2 на гости кај Вест Хем во 35. коло од Премиер лигата и со тоа најверојатно ги загуби сите шанси за титулата во прошталната сезона на Јирген Клоп.

Ливерпул сега е трет со бод помалку и два натпревари повеќе од Сити и два бода помалку и натпревар повеќе од актуелниот лидер Арсенал.

Германскиот стратег реши да ја внесе во игра најплатената ѕвезда на клубот, Мохамед Салах дури по израмнувачкиот гол на Вест Хем. Во моментот кога Египќанецот влегуваше во игра, двајцата имаа вербален конфликт.