Израелската армија утринава потврди дека нејзината 401 оклопна бригада ја зазеде палестинската страна на граничниот премин Рафах кон Египет.
Израелските медиуми јавуваат дека сега е прекината врската на патот Салах ал-Дин во источен Рафах, кој беше заробен од бригадата Гивати во синоќешната офанзива.
Според израелската армија, во таа операција загинале околу 20 вооружени лица, а војниците лоцирале три отвори на тунелите.
Војниците сега ја пребаруваат областа и се вели дека се подготвуваат за дополнителна мисија.
Во меѓувреме, повеќе од 50 цели на Хамас во Рафах беа погодени од израелските воздухопловни сили.
Палестински безбедносни сили и египетски функционер претходно утринава изјавија дека израелски тенкови влегле во градот Рафах во јужниот дел на Појасот Газа и се оддалечени само 200 метри од граничниот премин со соседен Египет и дека воената операција е со ограничен опсег.
Египетски функционер и ТВ Хамас Ал Акса објавија дека израелските власти најавиле повлекување откако операцијата ќе заврши.
Израелската армија не коментираше. Во неделата борците на Хамас во близина на Рафа истрелаа мини во јужен Израел, при што загинаа четворица израелски војници.
Агенцијата АП не можеше независно да го потврди обемот на последната операција.
Претходно во понеделникот израелскиот воен кабинет одлучи да изврши воена операција во Рафах, откако Хамас објави дека го прифаќа египетско-катарскиот предлог за договор за прекин на огнот.
Израелската војска соопшти дека извршува целни напади врз Хамас во Рафах, без да даде детали.
Граничниот премин Рафах е клучен за влез на хуманитарна помош во Газа.
Прекинот на огнот би можел да стави крај на седуммесечната војна во Газа, но неизвесно е дали договорот би можел да биде склучен бидејќи Израел одговори дека предлогот не ги исполнува основните барања, наведува Асошиејтед прес.
Повеќе од милион луѓе се засолниле во преполнети шатори и станови во Рафах, бегајќи од израелската офанзива во другите делови на Појасот Газа.
Израел тврди дека Рафа е последното упориште на Хамас, но САД се противат на голема инвазија на градот на границата со Египет, освен ако Израел не обезбеди веродостоен план за заштита на цивилите кои се засолниле таму.
Во војната загинаа повеќе од 34.500 Палестинци во Газа како израелска одмазда за убиството на околу 1.200 луѓе во нападите на палестинските екстремисти предводени од Хамас на 7 октомври минатата година.
BREAKING: Footage from the Egyptian side of Rafah shows HUGE israeli strikes on Palestine.
This is a massacre in the darkness of the night.
Please keep sharing.
ALL EYES ON RAFAH. pic.twitter.com/nOJIsgjPe7
— Khalissee (@Kahlissee) May 7, 2024
