Свет
(Видео) Хаос во Дубаи поради невремето: најмалку 18 жртви во Оман, меѓу нив и деца
Обилните дождови ги зафатија Обединетите Арапски Емирати во вторникот, поплавувајќи делови од главните автопати, оставајќи напуштени возила на патиштата низ Дубаи и привремено го ставија сообраќајот во целосен застој на огромниот меѓународен аеродром во градот. Во меѓувреме, бројот на загинати во одвоените тешки поплави во соседен Оман се искачи на 18, додека непознат број луѓе се водат како исчезнати, пренесува „CBS News“.
Дождовите почнаа во текот на ноќта, оставајќи големи поплави на инаку сувите улици и аеродромските писти, додека силните ветрови придонесоа за прекин на летовите на меѓународниот аеродром во Дубаи, најпрометниот аеродром во светот за меѓународни патувања.
Strange weather in Dubai pic.twitter.com/q5lqGouTZB
— What the media hides. (@narrative_hole) April 16, 2024
Аеродромот во серија објави на социјалните мрежи соопшти дека сите операции се стопирани на околу 25 минути во вторникот попладне, и дека сите дојдовни летови ќе бидат пренасочени „до подобрување на временските услови“.
Училиштата низ ОАЕ беа главно затворени пред невремето, а државните службеници главно работеа од дома каде што беше можно. Многу работници исто така останаа дома, иако некои отидоа на работа, а некои ги оставија возилата во длабоката вода на патиштата.
Властите испратија цистерни на улиците за да ја испумпуваат надојдената вода што навлегуваше во некои домови, принудувајќи ги луѓето да користат кофи за да се обидат да ги испразнат своите домови.
وادي القور منطقة اسود
مايد الوشاحي#ميتار_عمان pic.twitter.com/EEWP5h6YGW— ميتار عمان ⚡ (@Metar_Oman) April 16, 2024
Дождот е необичен феномен во ОАЕ, но повремено се појавува за време на постудените зимски месеци. Многу улици и други области немаат одводнување поради недостаток на редовни врнежи од дожд, што ги влоши поплавите.
Дожд падна и во Бахреин, Катар и Саудиска Арабија.
Dozens of people in Oman had to be rescued as deadly flash flooding inundated the region. pic.twitter.com/D06PPR0DT0
— AccuWeather (@accuweather) April 16, 2024
Во соседниот Оман, најмалку 18 лица загинаа во обилните дождови во последните денови, се вели во соопштението објавено од Националниот комитет за управување со вонредни состојби на земјата. Тука спаѓаат 10-ина деца.
Климатолозите со години предупредуваат дека човечкото влијание врз климатските промени ќе доведе до поекстремни и помалку предвидливи временски настани ширум светот.
Делови од јужна Русија и Централна Азија, исто така, со денови се борат со невообичаено силен дожд и топење на снегот, принудувајќи десетици илјади луѓе да се евакуираат на повисоките места а повеќе од 60 луѓе загинаа во Пакистан и Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелците со тенк убија пет свои војници во Газа
Петмина израелски војници загинаа во пријателски оган во северниот дел на Појасот Газа, а тројца се тешко ранети, соопштија израелските одбранбени сили.
Според израелските медиуми, војниците загинале вчера во пријателски оган од израелски тенкови за време на судирите со милитантите на Хамас.
Извештаите велат дека тенк удрил во зграда во бегалскиот камп Џабалија каде што биле сместени војници.
Според податоците на израелската армија, од почетокот на војната во Газа, во борбите загинале 626 војници, а околу 3.500 се ранети.
Свет
Тинејџер исчезна во Алжир во 1998 година, по 26 години пронајден е жив во шталата на соседот
Алжирецот кој исчезнал пред 26 години бил пронајден во шталата на соседот, на само неколку минути пешачење, објави оваа недела Министерството за правда на земјата.
Човекот, идентификуван само како Омар Б., исчезнал на 19-годишна возраст, за време на граѓанската војна во Алжир во 1998 година, а неговото семејство претпоставувало дека бил киднапиран или убиен, пренесува „Си-би-ес“.
Сега, на 45-годишна возраст, тој бил пронајден меѓу стоговите сено на само околу 200 метри, откако братот на киднаперот се пожалил на социјалните мрежи за спор околу наследството.
Алжирските медиуми објавија дека кога членовите на семејството почнале да ја пребаруваат куќата на осомничениот, тој станал напнат кога се приближиле до стогот сено и на крајот го пронашле Омар Б. како седи под него во тишина.
Соседот (61) на семејството на Омар е приведен откако се обидел да избега, соопшти Министерството. Алжирските медиуми објавија дека жртвата изјавила дека не можел да повика помош „поради магијата што ја фрлил врз него неговиот киднапер“.
Киднаперот на тинејџерот е обвинет и дека го убил своето куче со отров, јавуваат алжирските медиуми.
Министерството соопшти дека истрагата се уште е во тек, додавајќи дека мажот добил медицинска и психолошка нега по злосторството, кое беше опишано како грозоморно.
Алжирските медиуми објавија дека мажот бил прегледан од лекар и префрлен во специјално психолошко одделение.
Свет
Заздравувањето на Фицо е доведено во прашање, на напаѓачот му пречела и владината политика кон Украина
Здравјето на словачкиот премиер Роберт Фиц се уште е тешко и рано е да се каже дали ќе закрепне, изјави неговиот заменик Роберт Калинак, ден по атентатот што ја шокираше Европа.
„За жал, сè уште не можам да кажам дека победуваме во напорите да го спасиме животот на Фиц, ниту дека прогнозите се позитивни бидејќи последиците од повредите предизвикани од четирите прострелни рани се такви што одговорот на телото на нив ќе продолжи да биде многу тежок“, рече Калинак.
Миријам Лапуникова, директорка на Универзитетската болница Рузвелт во Банска Бистрица, каде што се лекува премиерот Фицо, рече дека 59-годишниот премиер бил подложен на петчасовна операција во која учествувале два медицински тима за да ги санираат повеќете прострелни рани.
„Во овој момент успеавме да ја стабилизираме неговата состојба, но сепак е многу сериозна. Тој ќе биде задржан на интензивна нега“, изјави таа за новинарите.
Министерот за внатрешни работи Матус Сутај Есток на прес-конференција рече дека напаѓачот кого полицијата го товари за обид за убиство, дејствувал сам и дека претходно учествувал во антивладини протести.
„Станува збор за волк-самотник кој се радикализирал неодамна, во периодот по претседателските избори одржани во април“, изјави Сутај Есток.
„Како причини за нападот осомничениот ја наведе политиката на владата кон Украина, плановите за реформа на јавниот сервис и распуштањето на специјалното обвинителство“, рече министерот за внатрешни работи.
Словачки експерти во средата ги критикуваа безбедносните мерки преземени за заштита на премиерот по обидот за атентат врз Фиц.
„Самиот Фицо пред неколку недели зборуваше за опасностите од пукање врз политичарите“, изјави поранешниот началник на словачката полиција Стефан Хамран за весникот „Денник Н“ во четвртокот.
Тој се запраша кој ја анализирал потенцијалната опасност и ја проценил заканата. Хамран ја критикуваше реакцијата на телохранителите по пукањето.
Поранешниот шеф на словачката единица за обезбедување на заштитени лица, Јурај Забојник, исто така ги критикуваше телохранителите на премиерот.