Јавното обвинителство ја презеде истрагата за убиството на двајцата украински војници во Германија

Главното јавно обвинителство во Минхен денеска ја презеде истрагата за убиството на двајца Украинци поради можност делото да е политички мотивирано.

Украинското Министерство за надворешни работи во неделата објави дека станува збор за двајца војници кои биле на медицинска рехабилитација во Германија, Владимир Кожин и Вјачеслав Безугли, кои биле пронајдени со убодни рани во близина на трговски центар во градот Мурнау во саботата навечер.

Германската полиција уапси 57-годишен руски државјанин под сомнение за убиство, пренесува АП.