Пендаровски: Нема предавање, продолжуваме со концептот во кој веруваме

Нема предавање, бидејќи знам дека има стотици илјади граѓани кои веруваат во нашиот концепт, рече кандидатот за претседател од СДСМ, Стево Пендаровски. Како што додаде тој, во партијата очекувале помала разлика помеѓу него и кандидатката од ВМРО-ДПМНЕ, Гордана Силјановска и изрази убеденост дека на крајот сепак ќе ја добие мнозинската поддршка.

“До вториот изборен круг има празници и неработни денови, но за нас тоа нема да важи. Продолжуваме до крај да го промовираме концептот во кој веруваме и јас сум убеден дека на крај ќе излеземе со мнозинска поддршка на македонските граѓани за тој концепт“, рече Пендаровски.