Јагнешкото месо полека се брише од велигденската трпеза. Цената за килограм до празникот се очекува да достигне и до 800-ни денари. Граѓаните велат дека е прескапо, па поради тоа не можат да си дозволат велигденска трпеза како што некогаш имале.
Сточарите велат дека ќарот е кај трговците. Јагнешкото месо тие го даваат по цена од 220 денари за килограм, а потоа во месарниците се продава многу поскапо.
Цената е надуена во месарниците, секогаш добитници најголеми добитници се трговците нели месарите. јас мислам дека до 800 денари ќе дојде до месарите, 800 денари ќе биде за нашиот велигден. А додека на сточарите откупна цена, можете да најдете секаде бидејќи ние одиме на ниво на држава секогаш. Откупната цена е 220 денари значи не е качена ниту денар, што е многу малце, многу малце и сета заработувачка ја имаат трговците и месарите, вели за Телма Јанков Митко, претседател на Агро Центар од Велес
Велат дека често пати самите откупувачи им ја диктираат цената.
Они тоа го злоупотребуваат и ние баравме некоја државна цена да има да речеме под тоа ниво да не се оди доле, но не наидовме на слух, додава Јанков
Проблем е и тоа што се помалку луѓе се занимаваат со сточарство, а нема ниту стока. Луѓето ја продаваат. Според бројките во земјава има некаде околу 350 илјади овци.
Освен јагнешкото, цените и на другите производи одат нагоре. Иако, статистички инфлацијата паѓа, сепак во продавниците не се забележува поевтинување. А можен е и уште еден ценовен шок, поради растот на цената на нафтата на берзите.
Ирена Чачкова