Спорт
Никој не може да поврува дека овој фудбалер ја има најголемата плата во Ла Лига
„Лекип“, откри кои се најплатените фудбалери во Ла Лига. Еден од највлијателните спортски весници во светот ги објави платите на ѕвездите од шпанското првенство. Очекувано на врвот се играчи од Реал и Барселона, но сензација е играчот кој е на првото место.
На врвот се очекуваат Белингем, Винисиус, Гризман, Левандовски… Сепак, ниту еден од нив ја нема најголемата плата во Ла Лига. Таа титула му припаѓа на Давид Алаба (32), стоперот на Реал. Тој во клубот од Баерн дојде во летото 2021 година без обештетување.
Со оглед на тоа, јасно е дека доби поголема плата, но испаѓа дека таа е највисока во шпанскиот фудбал. „Лекип“, тврди дека Алаба месечно добива дури 1,88 милиони евра бруто.
Мадрид „АС“ пишува: „Кога би направиле анкета меѓу шпанските фудбалски фанови, никој не би погодил дека Алаба е најплатен“.
Покрај тоа, Алаба често се повредуваше од почетокот на минатата година. Од јануари минатата година до крајот на оваа сезона ќе пропушти дури 50 натпревари.
Веднаш зад Алаба со само 10 илјади евра помалку е Роберт Левандовски, најдобриот стрелец на Барселона.
Најплатените фудбалери во Ла Лига:
1. Давид Алаба (Реал), бруто 1,88 милиони евра месечно
2. Роберт Левандовски (Барселона), 1,87 милиони евра
3. Винисиус (Реал), 1,67 милиони евра
Џуд Белингем (Реал), 1,67 милиони евра
Илкај Гундоган (Барселона), 1,67 милиони евра
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Болоња на чекор до пласман во ЛШ
Фудбалерите на Болоња забележаа многу важна победа на стадионот „Диего Армандо Марадона“ во Неапол.
Болоња го победи Наполи со 2:0.
Избраниците на Тиаго Мота, победникот го решија во раната фаза од натпреварот. Најпрво Ендој погоди во деветтата минута, а три минути подцна предноста ја зголеми Пош.
Наполи можеше да ја намали предноста на гостите во 21. минута, но Матео Политано промаши пенал.
Болоња со 18. победа во сезоната дојде на чекор до пласман во Лигата на шампионите, прв во клупската историја.
Во следното коло Болоња ќе го пречека Јувентус.
Спорт
Буденхолцер e новиот тренер на Феникс Санс
Американскиот кошаркарски стручњак Мајк Буденхолцер е новиот тренер на Феникс Санс, објави НБА.
Тој го замени Френк Вогел на клупата на Феникс, кој во четвртокот доби отказ по една сезона во клубот.
Од Феникс не ги соопштија деталите од договорот, а американските медиуми објавија дека договорот е на пет години и е вреден околу 50 милиони долари.
Во 2021 година, Буденхолцер ја освои титулата со Милвоки. Тогаш Буденхолцер со Милвоки го победи токму Феникс.
Феникс никогаш не ја освоил титулата, а во својата 56-годишна историја три пати играл во големото финале.
По пет години во Милвоки, двократниот добитник на наградата за најдобар тренер на НБА, Буденхолцер доби отказ во 2023 година, по што замина на едногодишен одмор.
Спорт
Голот на Адеми му ја донесе шампионската титула на Динамо
Динамо Загреб, вечерва ја обезбеди 25.шампионска титула во првенството на Хрватска. „Модрите“ го победија Осиек со 1:0, а титулата ја обезбедија багодарение на поразот на Риека во Вараждин (3:1).
Риека, во минатото коло загуби од Динамо на домашен терен и очигледно по тој пораз остнаа без амбиции. Нивниот пораз од Вараждин го искористи Динамо, победи со голот на Аријан Адеми во 73.минута и ја обезбеди титулата.
Динамо по 25. стана шампион, Хајдук има шест титули, Риека и Загреб освоија по една шампионска титула. Овие четири тима се единствените хрватски шампиони од 1991 година.