Automobili Pininfarina најде инспирација за најновата верзија на електричниот хиперавтомобил Battista во моделот Lancia Флорида од 1955 година.
Уникатната Pininfarina Battista Cinquantacinque има двобојна шема која му оддава почит на уникатното купе Lancia од 1955 година.
Battista и Lancia Florida ги поврзува повеќе од италијанско наследство: двата модели беа дизајнирани од Pininfarina. Беа изградени четири примероци на Florida, вклучувајќи три седани и едно купе, од кои сите беа базирани на моделот Aurelia, кој беше опремен со V6 мотор.
Тоа купе Lancia сè уште постои и повремено се прикажува на винтиџ саеми за автомобили.
Automobili Pininfarina го нарече најновиот уникатен модел на Battista Cinquantacinque, што на италијански значи „педесет и пет“. Долниот дел од каросеријата е во боја Blu Savoia Gloss, додека покривот е обоен во Bianco Sestriere Gloss, бидејќи единственото купе Lancia Florida беше во таа комбинација.
Внатре во Battista Cinquantacinque има кожа од махагони од колекцијата Poltrona Frau Herirtage и детали како што се букви на прагот на совозачката страна.
Battista има четири електромотори и вкупно 1903 КС и 2340 Nm, а батериите се 120 kWh. Забрзувањето од 0 до 100 km/h трае 1,86 секунди, додека максималната брзина е електронски ограничена на 350 km/h.
Battista Cinquantacinque е изграден за да ги прикаже различните опции за прилагодување достапни за клиентите.
Цената не е објавена, но треба да се потсети дека почетната цена на стандардниот Battista е 2,2 милиони долари.