НЕ МОРА ДА ГИ ИСФРЛИТЕ МАСТИТЕ: Ако ги замените со вистинските намирници, пак ќе направите разлика

Во обид да ослабат или да одржат витка линија, многу жени одат на диета и одбиваат да консумираат масти, заборавајќи колку се тие важни за здравото функционирање на нашиот метаболизам и тело. Овој пристап може да доведе до спротивен ефект од посакуваниот резултат – не до убаво тело и добро расположение, туку до проблеми со кожата, ноктите, косата и хормоналната рамнотежа. Сепак, постои излез, а клучот е во изборот на вистинските масти. Вистинските масти играат важна улога во апсорпцијата на витамини и микроелементи, важни за нормален метаболизам, кожа и коса. Затоа е важно во исхраната да вклучите мрсна храна, која е особено корисна.

Лосос наместо салама

Лососот обезбедува брзо и доготрајно ситост, а исто така е извор на витамин А и омега киселини. Саламата и сличните колбаси, од друга страна, често содржат непожелни состојки како скроб, соја, брашно и конзерванси.

Авокадо наместо путер

Авокадото, најбогатата маст меѓу растителната храна, содржи олеинска киселина, важна за многу метаболички процеси во телото. Од друга страна, познато е дека путерот има висока калорична содржина и може да се најде во различни висококалорични намирници.

Јајца наместо сланина

Јајцата се храна богата со протеини, витамини, антиоксиданси и „добри“ масти. Брзо ве заситуваат и можат долго да ве држат сити, а содржат и холин кој се бори со вишокот маснотии. Сланината, од друга страна, може да содржи нездрави заситени масти и големи количини на сол.

Бадеми наместо пуканки

Јаткастите плодови, вклучувајќи ги и бадемите, го подобруваат вашиот метаболизам и помагаат да се чувствувате поенергични. Пуканките, често зачинети со шеќер, сол и масла, може да бидат калорични и помалку здрави.