Кога Netflix објавија дека покрај купувањето на неколку гејминг студија, тие ќе основаат и сопствено студио, стана јасно дека од компанијата се сериозни за бизнисот со игри.
Сепак, не било до крај јасно колку се тие сериозни за овој бизнис до објавата на оглас за работа од кој се гледа дека од компанијата не планираат да се задржат само на развојот на мобилни игри.
Според овој оглас, Netflix планираат да започнат со развој на PC игри, односно игри за компјутерите и тоа од таканаречената AAA категорија на игри. Тоа значи дека планираат да развиваат високо буџетни игри кои ќе треба да им конкурираат на најдобрите на пазарот.
Од огласот може да се добие до некаде претстава што да се очекува, па од Netflix бараат човек за развој на „first и third person shooters“, сервиси за стриминг во живо и слично.
Очекувањата се дека позицијата од огласот може да ја добие некоја позната личност која веќе работи на висока позиција во гејминг индустријата.