АПОКАЛИПТИЧНИ СЦЕНИ ВО ДУБАИ – Градот целосно тоне под вода: Летовите откажани, патниците спијат на подот на аеродромот (ФОТО/ВИДЕО)
Поплавите и вчера продолжија да бидат проблем во Дубаи. Очајните семејства се обидоа да побегнат од градот, но снимката на социјалните мрежи од аеродромот во Дубаи, еден од најпрометните аеродроми во светот, покажа дека патниците спијат на подот додека чекаат летови.
Годишниот просек на дожд падна во Обединетите Арапски Емирати (ОАЕ). Патиштата околу аеродромот се поплавени.
Сведоците на аеродромот рекоа дека немало празни места во чекалната. Најпрометниот аеродром во светот за меѓународни патници потврди дека е запрено пристигнувањето околу 15.30 часот, пред да објави „постепено продолжување“ повеќе од два часа подоцна.
Вкупно 17 дојдовни и појдовни летови беа откажани во текот на утрото, а три беа пренасочени , се вели во соопштението на аеродромот во Дубаи.
Снимките од Дубаи покажуваат поплавени скапи автомобили оставени на сред улица додека нивните сопственици се обидувале да се спасат.
На едно од видеата се гледа како авионот едвај се движи поради количеството вода на пистата. Од терасите летаат предмети како столици и маси.
Во трговските центри паѓаа покриви, а сопствениците на продавници собирале за да ја спасат робата.
„Училиштата не работат“
– Училиштата не се отворени. Сè е суспендирано. Нема достава за ништо. Буквално се стои во место и не можете да излезете од дома .
