Повик за невработени за платено практиканство по 11.000 денари месечно

Агенцијата за вработување го објави повикот за практиканство, наменет за невработени млади лица до 29 години евидентирани во АВРСМ со минимум завршено средно образование и без работно искуство.

Мерката обезбедува стекнување практични работни знаења и вештини потребни за извршување задачи кај работодавачи за период до 3 месеци. „За секој кандидат кој ќе биде избран и вклучен во практикантството, се предвидува финансиска поддршка во износ од 11.000 денари месечно (со вклучено осигурување за инвалидност и телесно оштетување причинето со повреда на работа и професионална болест и данок на личен доход) за периодот за кој се извршува практичната обука.“, се појаснува во повикот.

Пријавувањето се врши во Центрите за вработување и трае до 10 мај.

Истовремено тече оглас за пријавување на заинтересирани работодавачи за ангажирање на практиканти преку оваа мерка.