Секој заслужува радост! Донаторска акција во Гостивар за децата од Дневен центар и ранливи семејства

Гостивар повторно се обединува за повесели и поубави новогодишни празнувања на дечињата кои го посетуваат Дневниот центар и деца од социјални семејства. Мисијата ќе се исполни преку веќе традиционалната донаторска акција која ја организира здружението When in Trouble. Подготовките започнаа, а организаторите повикуваат што поголем број гостиварци, поединци и фирми да бидат дел од активноста.

„Сите што сакаат да ни се приклучат и оваа година да ги израдуваме нашите другарчиња, може да ни достават слатки производи, подароци, пакетчиња или да донираат на нашата жиро сметка 270075736930102 Halk Banka. Може да не‘ контактираат и на телефонскиот број 078 247 111“, наведуваат од здружението.

Секоја година акцијата добива поддршка од голем број граѓани и компании, и се очекува така да биде и овојпат. Лани беа поделени 64 новогодишни пакетчиња.