Кандидатката за претседател на државата на Левица, Билјана Ванковска, изјави дека најважниот чекор на изборите е голем број граѓани да излезат на гласачките места.
-Ние на универзитет кога сме подложени на избор излегуваме надвор од просторијата и коректно е да не гласаме за себе. Меѓутоа, ова е друг тип на битка, ова е политичка битка во која, со чинот на гласање ја изразувам сопствената убеденост во тоа што го говорам, и се надевам дека голем број граѓани ќе го направат овој чекор да дојдат до гласачките места. Тоа е првиот и најважен чекор , изјави Ванковска по гласањето.
