Портпаролот на Белата куќа за национална безбедност Џон Кирби денеска изјави дека администрацијата на американскиот претседател Џозеф Бајден се противи на потенцијалниот предлог на републиканците во Претставничкиот дом да им дадат помош на Израел и Украина во два различни пакети.
„Ние не поддржуваме Предлог-закон кој го финансира само Израел, бидејќи и на Украина и треба муниција“, рече Кирби.
Кирби рече дека претседателот на Претставничкиот дом Мајкл Џонсон ја добил пораката на администрацијата и престанал да се обидува да ги одвои пакeтите за помош за двете држави.