Во просториите на Српскиот културен центар СПОНА во Скопје на 11 мај во 19 часот, ќе се одржи промоција на книгата „Записи од Македонија“ од Милутин Станчиќ. Покрај авторот, на промоцијата ќе говорат и Горан Максимовиќ, професор по литература на Филозофскиот факултет на Универзитетот во Ниш, како и Мирјана Бојаниќ Ќирковиќ, доцент на Филозофскиот факултет на Универзитетот во Ниш. Настанот ќе биде проследен со музички колаж во изведба на Драгана Виденовиќ од Лесковац.
Збирката патописи и репортажи со наслов „Записи од Македонија“, чиј автор е Милутин Станчиќ од Скопје, ја здогледа светлината на денот во септември 2023 година во Службен весник на Србија.
Станува збор за збирка патописи и репортажи кои Милутин Станчиќ ги снимал со години, посетувајќи траги и домови на Срби на територијата на денешна Македонија.
Оваа книга беше долго во изработка – тоа е дведецениско дело ограничено со рамка на книга, од која сè станува јасно по првото прелистување на нејзините страници.
