Саха за големата англиска надеж: Тој е микс од Чави и Бускетс…

Луис Саха најголемиот дел од својата професионална кариера го мина во Англија играјќи за Њукасл, Фулам, Манчестер Јунајтед, Евертон, Тотенхем и Сандерленд и слободно може да се каже дека ова за него е втора татковина, а доказ за тоа е што редовно ги коментира сите актуелности и случувања.

Во изминатиов период во фокусот е талентираниот Коби Мејну кој веќе некој период игра добро за „црвените ѓаволи“, партии кои му донесоа повик во сениорската англиска репрезентација.

Според Саха новата англиска надеж е микс од легендарниот Чави Ернандес и Серхио Бускетс, плус го спомена и Пол Сколс.

-Кога е на топка има малку мешавина од Чави [Ернандез] и Серхио Бускетс за него кога оди напред, ама не мора да има тело на Маруан Фелаини или Пол Погба. Коби покажа дека може да игра добро постојано и луѓето можат да играат околу него, па затоа е многу добро да се има играч со неговиот талент и тој е способен да игра под притисок и да им даде можност на крилните играчи да се натпреваруваат во ситуации еден на еден. Се надевам дека ќе продолжи да се подобрува во следните неколку години.

-Во последните неколку години од неговата кариера, Пол Сколс можеше да дојде подлабоко во средниот ред и помалку да оди напред бидејќи беше доволно паметен за да биде во вистинските делови во вистинско време. Коби ја има истата позициона свест. Тој е многу свесен каде се неговите соиграчи и не го фаќа паника, така што ова се одлични квалитети што ги има на негова возраст.

-Да се обезбеди вакво уверување на менаџерот е одлично и затоа мислам дека тој игра редовно бидејќи е многу присебен и се подобрува од натпревар во натпревар. Мислам дека Коби игра во дефанзивен среден ред кога Касемиро го нема бидејќи е способен да се прилагоди, -смета Саха.