Ракот на бубрегот често нема јасни симптоми, а оние што се појавуваат често може да бидат збунувачки и може да се помешаат со други состојби.
Сепак, важно е да бидете свесни за знаците и да побарате лекарска помош доколку забележите какви било промени.
Оваа форма на рак започнува во бубрезите, органи лоцирани на двете страни на ‘рбетот, под ребрата. Бубрезите играат важна улога во филтрирање на отпадот и вишокот течност од крвта и претворање во урина.
Симптомите на рак на бубрезите може да вклучуваат крв во урината, грутка или оток во грбот или вратот, хронична болка помеѓу ребрата и половината, губење на апетит или тежина без очигледна причина, замор или недостаток на енергија и висока температура која не поминува.
Исто така, обилно ноќно потење може да биде еден од симптомите на рак на бубрезите. Важно е да се напомене дека овие симптоми можат да бидат поврзани со различни состојби и треба да бидат проверени од лекар. Доколку забележите какви било промени, важно е да се консултирате со општ лекар за дополнителни тестови и дијагностика. Раното откривање на рак на бубрезите го олеснува успешното лекување
