Италијанската полиција на 10 април го уапсила еден од најбараните американски бегалци на плоштадот „Свети Петар“ во Ватикан.
Во моментот на приведување кај лицето биле пронајдени три скриени ножеви, а во тој момент на плоштадот папата Франциск имал аудиенција.
Мојзес Теџада сега се наоѓа во притвор, а единицата за истраги во затворската служба во Њујорк го опишува како насилна личност. Тој е на листата на најбарани лица во тоа одделение.
Сè уште не се знае дали Теџада, кој бил осуден за грабеж и киднапирање, претставувал било каква опасност за папата.
Италијанските власти чекаат на американските власти да испратат барање за негова екстрадација.