На претседателските избори до 11 часот гласале 222.666 граѓани

Според податоците објавени од страна на Државната изборна комисија (ДИК), до 11 часот денеска, на претседателските избори гласале вкупнo 222.666 граѓани или 12,47%.

Како што информираше претседателот на ДИК, Александар Даштевски, на втората денешна прес конференција, најголема излезност до 11 часот има во Пробиштип (27,85%), а најмала во Липково (1,76%).

За да бидат успешни претседателските избори на гласачките места треба да излезат повеќе од 40 отсто од запишаните избирачи, односно 725.727 гласачи.