Екипата на Болтон се пласираше во финалето од плејофот за пласман во Чемпионшип, откако по двомечот беше подобар од Барнсли со 5:4. Болтон на првиот меч на гости победи со 3:1, а синоќа во реваншот пред своите навивачи загуби со 2:3, но и тоа беше доволно за пласман во финалето кое ќе се игра на „Вембли“.
Болтон водеше со 2:1 на свој терен, но Барнсли направи пресврт во вториот дел и победи со 3:2, но тоа беше недоволно за гостите. По последнито свиреж на судијата, илјадници навивачи на Болтон втрчаа на теренот за да прослават.
The scenes after the final whistle 🤯#bwfc pic.twitter.com/4zQPQgQSCm
— BoltonWanderersBN (@bn_bolton) May 7, 2024
Пред Болтон сега е само уште еден меч за да се најдат во Чемпионшип. Тие го чекаат подобриот од двомечот меѓу Оксфорд и Питербро. На првиот меч Оксфорд победи со 1:0, а вечерва се игра реваншот на теренот на Питербро.
