Белгија и Чешка ја обвинија Русија дека се меша во изборите за Европскиот парламент

Белгија и Чешка повикаа на нови санкции од страна на Европската унија за да се спротивстават на руското влијание на претстојните избори за Европскиот парламент, откако неколку земји открија дека Москва се меша во нив, се вели во отвореното писмо до раководството на ЕУ. Писмото од 16 април го потпишаа белгискиот премиер Александар де Кро и чешкиот претседател Петер Фиала, а беше упатено до лидерите на Европската комисија, Европскиот совет и Европскиот парламент.

Двајцата лидери тврдат дека во неколку земји-членки веќе се пријавени проруски дезинформации и мешање. Белгиските безбедносни служби открија мрежа во Белгија, со трансфери на пари, што делумно се одвиваше во Чешка. Целта на мрежата беше да се воспостави соработка меѓу проруските политичари во Европскиот парламент, да се помогне да се изберат повеќе проруски кандидати и да се назначат „луѓе активни во оваа мрежа како вработени во (новоизбраните) членови на парламентот.

Де Кро рече дека европските лидери на самитот се договориле да го воведат кризниот механизам, кој беше активиран за време на пандемијата на коронавирус, на два месеци. Специјална единица потоа внимателно ќе ги следи дезинформациите.

„Планот е редовно да известуваме за состојбата на дезинформациите. Ќе гповрземе овие информации, ќе ги споделиме со земјите-членки и ќе работиме со националните судски власти за да дејствуваат“, рече Де Кро на прес-конференција.

Белгија го истакна особениот ризик не само за европските институции, туку и за НАТО алијансата, чие седиште е блиску до нејзиниот главен град, Брисел. Изборите за Европскиот парламент се одржуваат од 6 до 9 јуни.

Белгија, заедно со другите земји-членки, отвори кривична истрага, а Чешка воведе санкции против неколку физички и правно лице за напорите да се поткопа територијалниот интегритет на Украина. „Времето е вистинско да се воспостави нов режим на рестриктивни мерки за да се спротивстави на штетните активности на Русија“, напишаа лидерите.