Дејвид Бекам, легенда на Манчестер јунајтед, смета дека клубот е во многу тешка ситуација.

Бекам, кој одбележа дел од историјата на клубот од „Олд Трафорд“, во подкастот на „Атлетик“, наречен „Talk of the Devils“, зборуваше за неволјите во кои се наоѓа славниот клуб.

На Јунајтед не му оди добро од пензионирањетп на Алекс Фергусон во 2013 година.

„Имаа навистина тежок период од пет или 10 години, но се знаеше дека ќе биде така кога шефот ќе го напушти клубот. Не е само тоа, изгубивме играчи како Рајан Гигс, Рој Кин и Гери Невил, тие долго време беа во Јунајтед“.

Дејвид зборуваше за Јунајтед на промоцијата на новиот документарец на Амазон, „99“, за одличната сезона на клубот кога ја освоија тројната круна во 1999 година.

„Се знаеше дека ќе биде тешко. Сепак, сите ние би сакале да му дојде крајот на ова, бидејќи сега сè трае предолго”, дополни Бекам.

Дејвид Бекам моментално е сопственик на МЛС франшизата Интер Мајами.

За Манчестер јунајтед одигра 394 натпревари и постигна 85 гола, освои 12 трофеи, од кои пет во Премиер лигата и Лигата на шампионите во 1999 година.

Манчестер сити од 21:00 часот гостува кај Тотенхем во 34.коло од Премиер лигата. Сити моментално е втор со бод зад Арсенал и потребна е победа за да скокне на првото место. Тотенхем е петти и најверојатно ќе остане на таа позиција бидејќи Астон Вила моментално заостанува пет бода зад нив.

Тренерот на Сити, Пеп Гвардиола пред натпреварот зборуваше за медиумите за тоа дали доминацијата на Сити е здодевна и објасни дека парите не се единствената причина за успесите што ги постигнува Сити.

„Досадно е? Не, тешко е затоа што знаете што се случувало претходно? Ппарите. Ако се работеше за пари, Манчестер Јунајтед требаше да ги освои сите титули. Останатите. Челси! Сите титули. Арсенал. Сите титули! Бидејќи тиа, во последните пет сезони потрошија повеќе пари од нас.. Тие треба да бидат таму, а не се“, рече Гвардиола и додаде.

„Од истата причина Џирона не треба да биде во Лигата на шампионите следната сезона и Лестер никогаш не би можел да ја освои Премиер лигата“.

Серхио Рамос, ветеранот на Севилја и легенда на шпанската репрезентација и Реал Мадрид, на крајот на сезоната ќе го напушти клубот од Андалузија, но многу веројатно и европскиот фудбал. Според американските медиуми, 38-годишниот стопер кариерата ќе ја продолжи во МЛС.

Понудата од Соединетите Американски Држави не е единствената што ја има Рамос, туку таа му е поинтересна од оние што ги добива од опциите од Саудиска Арабија.

„Атлетик“, пишува дека, доколку ја прифати понудата од Сан Диего, Рамос ќе стане еден од најплатените играчи на клубот кој од следната година ќе биде дел од МЛС лигата.

Во својата камбек сезона во Севилја, клубот во кој ја започна својата кариера пред да стане легенда на Реал и играч на ПСЖ, Рамос одигра вкупно 34 натпревари и постигна седум.