Манчестер Сити победи со 2-0 на гостувањето кај Нотингем Форест во неделата попладне за да направи уште еден чекор кон титулата во Премиер лигата, но судирот на „Сити Граунд“ ќе влезе во историјата со уште едно достигнување. Тоа беше 300. натпревар за Пеп Гвардиола во англиската лига и неговиот рекорд од 221 победа, 41 реми и само 38 порази во нив е повеќе од импресивен. Тој убедливо води на овој ранкинг, иако зад него има и извонредни имиња од тренерската клупа.
Pep Guardiola is one of one ☝️ pic.twitter.com/KKOzfwLK4c
— Premier League (@premierleague) April 28, 2024
Веднаш по него во ова престижно друштво е Жозе Мурињо. Португалецот има дури 32 успеси помалку од Гвардиола, иако неговите загуби се само шест повеќе. Трет е Јирген Клоп, кој има само една победа помалку од Мурињо, но вкупно 33 помалку од шефот на Манчестер Сити.
Четврти и петти се уште две од најпознатите имиња во тренерската професија и Премиер лигата – Сер Алекс Фергусон и Арсен Венгер, кои имаат 183, односно 180 победи во првите 300 натпревари во првата дивизија на Англија.