Македонија
Турската демократска партија се приклучува на Европскиот фронт, Ахмети: Овој сојуз е историски
По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на Аријан Хоџа, денеска во Гостивар, претседателот на ДУИ Али Ахмети одржа прес-конференција на која се потпиша договор за коалиција со Бејџан Иљаз, претседател на Турската демократска партија (ТДП).
„Охридскиот договор има потреба од сите политички партии да го променат политичкиот статус во Северна Македонија. Променет е статусот на турскиот, босанскиот и ромскиот народ. За оваа промена ми кажа и покојниот претседател Трајковски, кој ми рече дека со Охридскиот договор и јас сум победил, бидејќи е прифатена и евангелската вера, која во оваа држава не беше прифатена. Охридскиот договор е имот и капитал за заедниците кои беа маргинализирани. Овој фронт нема да биде за еднократна употреба за претседателските и локалните избори, овој фронт ќе биде долготраен затоа што интересите се заеднички, не можеме да ги разделиме луѓето кои живеат заедно, бидејќи тие создадоа семејства. Имаме само една разлика, само јазикот, додека сите други ни се заеднички. Овој фронт, дури и вие, почитувани припадници на турската заедница, ќе докажете дека повеќе од политика, тоа ќе биде братска соработка. Заедно, правиме напори земјата да стане членка на ЕУ, да ги зајакнеме неспорните документи од Охридскиот договор, од Преспанскиот договор, договорот за добрососедство, мир и стабилност за земјата и регионот. Затоа, не случајно нашето мото е “ДA за Европа, а НE за Русија”, бидејќи сакаме мир и стабилност за сите народи во Европа“, изјави меѓу другото претседателот на ДУИ Али Ахмети.
Во меѓувреме, претседателот на Турската демократска партија, Бејџан Илјаз, рече дека денеска сме сведоци на историски момент овде во Гостивар, во овој град каде што најдобро се доживува мултиетничкиот живот.
„Денеска сме сведоци на историски момент овде во Гостивар, овде во градот во кој најдобро се доживува мултиетничкиот живот. Денот на потпишување на оваа коалиција, која ги истакнува карактеристиките што не обединуваат, а не оние што не разделуваат е чекор напред кон нашата иднина. Карактеристиките на партиите членки на коалицијата се нивното политичко искуство и нивната вклученост во политиката во најважниот момент во државата. Преземајќи чекори кон нашата иднина, сакам да ви објавам голема убедлива и длабока победа. Се надевам дека овој судир ќе биде корисен за нашата мултиетничка земја и нашата иднина“, рече претседателот на ПДТ (ТДП) Иљаз.
Инаку, утре четврток, со почеток во 14 часот, претседателот Али Ахмети ќе потпише коалициски договор со градоначалникот на општина Шуто Оризари, Курто Дудуш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова: Грозоморен напад врз словачкиот премиер, се молиме за негово здравје
Македонската претседателка Гордана Силјановска Давкова реагираше на веста за атентатот врз словачкиот премиер Роберт Фицо.
„Бев длабоко шокирана кога ја слушнав веста за грозоморниот напад врз словачкиот премиер Роберт Фицо. Се молиме за негово здравје и брзо закрепнување! Нашите мисли се со неговото семејство и со народот на Словачка“, напиша Силјановска Давкова.
I was deeply shocked to hear the news of the heinous attack against the Slovak Prime Minister Robert Fico. We pray for his health and swift recovery! Our thoughts are with his family and the people of Slovakia.
— Гордана Силјановска Давкова (Gordana Siljanovska) (@gogamkd) May 15, 2024
Словачкиот премиер Роберт Фицо е затрелан по владин состанок, околу 150 километри североисточно од Братислава.
Обидот за атентат се случил кога Фицо отишол меѓу насобраните луѓе.
Според информациите, премиерот на Словачка бил застрелан со два до три куршуми во градите и стомакот. Со хеликоптер итно бил пренесен во болница во Братислава.
Напаѓачот е уапсен на самото место.
Словачките медиуми јавуваат дека состојбата му е многу тешка и ќе биде опериран.
Македонија
Министерство за правда изрази благодарност до турските власти за екстрадицијата на Палевски
Министерството за правда изрази благодарност до турските власти за преземањето на сите неопходни мерки за екстрадицијата на Љупчо Палевски-Палчо, кој вечерва од Турција е пренесен во земјава и спроведен во истражниот затвор Шутка.
– Министерството за правда и министерот Кренар Лога изразуваат голема благодарност до турските власти, особено до министерот за правда на Република Турција, Јилмаз Тунч за нивната брза реакција и преземањето на сите мерки за екстрадиција на Љупчо Палевски. Целата постапка се спроведе во релативно краток период за неполни пет месеци. Ова е добар знак за општеството и порака дека правдата ќе ве стигне, каде и да сте, стои во објавата на Министерството за правда.
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.
Македонија
Палевски екстрадиран, по пет месеци, стигна во Шутка
Љупчо Палевски Палчо по пет месеци стигна во затворот во Шутка откако заврши постапката за екстрадиција од Турција.
Палевски со возила без полициски ознаки пристигна во истражниот затвор Скопје затоа што во отсуство му е одредена мерка притвор.
Претходно неговата партја Десна објави на „Фејсбук“ дека тој слетал во Скопје.
И Министерството за внатрешни работи потврди дека Палевски стигна во затворот во Шутка.
„Министерството за внатрешни работи ја известува јавноста дека денеска (15.05.2024) полициски службеници од Секторот за меѓународна полициска соработка на МВР во соработка со турската полиција го завршија процесот на екстрадиција од Република Турција на Љупчо Палевски (59) од Скопје, за кого беше распишана меѓународна потерница за истрага за кривични дела „грабнување” и “убиство“ по издадена наредба XV KO бр 3047/23 од Основното јавно обвинителство Скопје. Лицето е пренесено во КПУ Затвор Скопје“, велат од МВР.
Палевски е првоосомничен за убиството на Вања Ѓорчевска од Скопје и Панче Жежовски од Велес.