Ирански информативен канал со седиште во Лондон објави снимка на која наводно се гледа напад на израелско беспилотно летало врз воена база во близина на Исфахан, во Иран.
На видеото објавено на X се слушаат сирени за воздушен напад и експлозии.
Светските медиуми утрово објавија дека Израел го нападнал Иран.
Iran International has obtained videos in which shots and sirens are heard, amid reports of an Israeli strike in Iran and the activation of air defenses in Isfahan.pic.twitter.com/BwVfukeWfP
— Iran International English (@IranIntl_En) April 19, 2024
Иран денеска ја активираше воздушната одбрана над Исфахан, поради што во тој град се слушнаа експлозии, јави државната новинска агенција ИРНА.
Според АП, остана нејасно дали Иран е нападнат, но тензиите остануваат високи меѓу Тел Авив и Техеран по нападот на Иран врз Израел на 13 април, во кој беа вклучени повеќе од 300 беспилотни летала и проектили.
ИРНА наведува дека ПВО оперирала во неколку ирански провинции, без да прецизира зошто.
Израел најави дека ќе се одмазди за нападот на Иран, додека сојузниците на Тел Авив апелираа да не се одмаздува за да не се шири конфликтот.
Новинската агенција Тасним објави дека иранските нуклеарни постројки се безбедни и недопрени.
Претходно, неименуван американски функционер за Си-Ен-Ен изјави дека Израел утринава извршил напад на иранска територија и дека целта не била нуклеарна.