Излезеноста до 13 часот е за околу четири процентни поени поголема од локалните избори во 2021 г.

Според јавно достапните информации, во првиот круг од локалните избори кои се одржаа на 17 октомври 2021 г. излезеноста изнесувала 20,5 отсто до 13 часот од над 90% обработени гласови

Излезеноста на овие избори до 13 часот е поголема за околу четири процентни поени во споредба со последните одржани избори во земјава – локалните во 2021 година. Според податоците што ДИК ги има објавено на страницата за следење резултати, одзивот на овие избори е 24,7% со обработени 98% од податоците. Односно бројот на гласачи е 439 968 од 3 403 обработени избирачки места.

Две општини веќе надминаа излезеност од 40% до 13 часот на гласањето за првиот круг од претседателските избори, а од скопските општини највисока е излезеноста во Карпош.

Новаци и Крива Паланка надминаа 40% излезеност до 13 часот

Според јавно достапните информации, во првиот круг од локалните избори кои се одржаа на 17 октомври 2021 излезеноста изнесувала 20,5 отсто до 13 часот од над 90% обработени гласови.

Најголема излезеност и тогаш имало во Општина Новаци, 43,7%, а најмала во Врапчиште – 11,7%.

Од она што го соопшти претседателот на ДИК, Александар Даштевски, излезеноста на овие избори до 13 часот е поголема и од претседателските кои се одржаа во 2019 година.

Даштевски: Излезеноста до 13 часот е за шест проценти поени поголема во споредба со претседателските избори во 2019 година

Тогаш, според податоците, излезеноста во првиот круг од претседателските избори до 13 ч. била 20,45%. Најголем одзив, како и сега, имало во Новаци, Прилеп и Демир Капија, а најмалку гласачи излегле во Врапчиште, Желино и Липково.