Почина капитанот на Титаник! Легендарниот актер ја загуби битката на 79 години: Се памети и по неговата улога во Господар на прстените (фото)

Актерот Бернард Хил, најпознат по улогите во „Титаник“ и „Господар на прстените“, почина на 79-годишна возраст, јавуваат светските медиуми.

Публиката го памети како капетанот Едвард Смит во филмот награден со Оскар од 1997 година и Кралот Теоден во култната серија „Господарот на прстените“, која даде посебен печат на неговата богата кариера.

Хил го играше Филос во „Кралот на скорпион“ (2002), со Двејн „Карпата“ Џонсон, Мајкл Кларк Данкан и Кели Ху.

Хил, кој беше од Манчестер, требаше да се врати на ТВ екраните во втората серија на The Responder, драмата на БиБиСи со Мартин Фримен во главната улога, која започнува да се емитува во недела.

Тој требаше да се појави на Comic Con Liverpool во сабота, но неговото пристигнување беше откажано во последен момент, според социјалната мрежа X.

Тој беше долгогодишен навивач на Манчестер Јунајтед, а во 2019 година доби почесна диплома од Универзитетот во Источна Англија.

Хил живеел во Сафолк, а го оставиле неговата сопруга Маријана и синот Габриел.

Причината за смртта сè уште не е позната, а времето и местото на погребот ќе бидат објавени подоцна.