Само секоја шеста апликација успева да оствари месечен приход од илјада американски долари. За новите апликации, просечниот приход е нешто под 50 долари.
Се очекува развивачите на мобилни апликации поагресивно да ги поттикнат претплатите во текот на следната година.
Бројките што неодамна ги сподели „RevenueCat“ по истражувањето на повеќе од 30.000 апликации покажуваат зошто. Повеќето апликации, всушност, се борат да достигнат месечен приход од 1.000 долари.
„RevenueCat“ истражуваше апликации користејќи ги своите „SDK“-и за претплата во апликација. Не беше наведено кои сите апликации биле предмет на истражување, но нивните клиенти се „Reuters“, „Buffer“, „Goodnotes“, „PhotoRoom“ и „Notion“, а тврдат и дека 90 отсто од апликациите со платформа за претплата во апликација користат „RevenueCat“.
Нивниот извештај можеби не ги вклучува повеќето од 100-те најдобри апликации за претплата, пишува „Ars Technica“.
Имајќи го тоа на ум, ајде да погледнеме што пронашле.
Магичните 1.000 долари
Според податоците на „RevenueCat“, претплатата донесе 6,7 милијарди американски долари приход за повеќе од 18 илјади програмери, од 290 милиони претплатници кои ги користат продавниците за апликации „App Store“ и „Google Play“.
Околу 17 отсто од анкетираните апликации заработуваат најмалку 1.000 долари, додека апликациите со најголема заработка се помалку.
Од друга страна, штом апликациите ќе достигнат месечен приход од 1.000 долари, поверојатно е да генерираат месечен приход од 2.500 долари (59 проценти од анкетираните апликации). Исто така, 60% од апликациите кои достигнале 2.500 долари заработиле 5.000 долари месечен приход.
Силен дисбаланс во уделот на приходите беше забележан кај апликациите за претплата на мобилни телефони. Една година по лансирањето, првите пет% од апликациите генерираат над 200 пати повеќе приходи од оние во долниот квартал.
За новите апликации, просечниот месечен приход по една година е нешто помалку од 50 долари.
Предизвици за претплата
Затоа, се очекува претплатите и понатаму да бидат примарна стратегија на програмерите. Според „RevenueCat“, 59.000 нови апликации базирани на претплата беа објавени во 2023-та година.
Големиот предизвик не е само што луѓето треба да се убедат да платат претплата, туку и тоа што треба да се прави постојано. Уделот на месечните претплатници по една година падна за 14 отсто во однос на претходната година, без оглед на финансиското работење на апликацијата.
Месечните претплати кои имаат просечна стапка на обновување за прв пат од над 60% задржуваат само 36% од оригиналната група претплатници до моментот кога е време за третото обновување.
Стапките на претплата за мобилни апликации се очекува да се зголемат во текот на следната година. Просечната месечна стапка се зголеми за 14 отсто, од 7,05 долари на 8,01 долари.
Главниот генератор на растот би можел да биде зголемената цена на стекнување клиенти и напорите апликацијата да изгледа премиум. Исто така, од програмерите се очекува да експериментираат повеќе со други извори на приход, како што се купувањата во апликација и партнерскиот маркетинг.
