Владата на Јамајка објави дека донела одлука да ја признае Палестина поради загриженоста за конфликтот во Појасот Газа .
„Оваа одлука е во согласност со силната посветеност на Јамајка кон принципите на Повелбата на Обединетите нации, кои се обидуваат да поттикнат меѓусебно почитување и мирен соживот меѓу државите, како и признавање на правото на луѓето на самоопределување“, се вели во соопштението на Министерството за надворешни работи на Јамајка.
До сега, покрај Јамајка, независноста на Палестина ја признаа 140 држави членки на ОН .
Министерката за надворешни работи на Јамајка, Камина Џонсон Смит изјави дека Јамајка сака мирно решавање на конфликтот меѓу Израел и Палестина, преку дипломатски дијалог, а не со воени дејствија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.