ДАЛИ НА КАРЛОС АЛКАРАЗ МУ Е ЗАГРОЗЕНА КАРИЕРАТА? Се мачи како Рафаел Надал и не слуша совети, ова може скапо да го чини!

Шпанскиот тенисер има многу проблеми со повреди во раниот дел од кариерата… Пред него е многу важен период и одлуки.

Карлос Алкараз освои две Грен слем титули, прво на УС Опен во 2022 година и на Вимблдон една година подоцна. Пред него е светла иднина и нема сомнеж во тоа. Тој е еден од претставниците на новата генерација на светскиот тенис, неговиот стил на игра ја воодушевува публиката, внимава што кажува надвор од теренот и е еден од милениците на многумина.

Од него се очекува да освои повеќе Грен слем трофеи во иднина, ги има сите предиспозиции за тоа и негов главен ривал, барем во досегашниот дел од кариерата, е Јаник Синер. Карлос го прослави својот 21 роденден на домашен терен , наместо на турнирот во Рим. Причина за тоа е повредата и токму тоа е една од главните теми. Дали повредите ќе го спречат да освои уште многу титули.

Нешто слично му се случи и на неговиот сонародник и еден од најдобрите играчи на сите времиња – Рафаел Надал. Нивните кариери се слични. Секако, Алкараз е се уште далеку од Рафа, има уште многу да игра за да ги достигне своите височини, па дури потоа уште повеќе да може да стигне до Новак Ѓоковиќ. Поголем проблем на патот ќе бидат играчите од другата страна на мрежата или неговото здравје? Тешко е да се каже сега, но навистина момчето од Мурсија имаше премногу проблеми со повреди за некој кој реално е само на почетокот на својата кариера.

Веќе беше прв на АТП ранг-листата, сигурно ќе биде на тоа место во иднина, но дали може да го одржи постојано да биде на самиот врв? Ќе го земеме периодот од август 2021 година. Потоа почна да се пробива до врвот и стана еден од најмладите во историјата што стигнале до четвртфиналето на УС Опен. Тој меч му го предаде на Феликс Огер-Алиасиме (Канада) поради проблеми со абдоминална повреда.

Потоа во 2022 година го искористи фактот што на Новак не му беше дозволен влез во Америка поради вакцинација и таму го освои својот прв Грен слем трофеј. Недолго по големиот успех тој се повлече од завршниот Мастерс во Торино каде Ѓоковиќ го подигна пехарот. Причината беше иста, проблеми со стомакот.

Потоа се повлече од Австралија Опен во 2023 година поради проблеми со мускулите на ногата. Потоа во Рио де Жанеиро почувствува болка во задната ложа и се повлече во финалето, се повлече од следниот турнир во Акапулко бидејќи не се опорави. Од Монте Карло се повлече поради проблеми со рацете, а од Базел поради болки во долниот дел на грбот и нозете.

По пауза меѓу сезоните, започна нова и во 2024 година продолжуваат борбите со повредите. Тој се повлече веќе на стартот на турнирот во Рио де Жанеиро бидејќи го изврте зглобот. Следеше нова серија на предавања во Монте Карло, Барселона и Рим, а сето тоа поради болки во надлактицата. Играше во Мадрид и загуби во четвртфиналето од Андреј Рубљев и потоа најави дека нема да игра во италијанската престолнина.

Премногу проблеми за играч кој има само 21 година. Матс Виландер исто така се обиде да го советува минатата година. И тоа по полуфиналето на Ролан Гарос каде загуби од Новак Ѓоковиќ со огромни проблеми со грчеви. „ Треба да размисли за тоа и да биде малку помалку активен на теренот. За да заштеди енергија и да не „лета“ за топки до кои е невозможно да се дофатат.“ изјави Матс. Отвореното првенство на Франција е пред почеток и се уште не се знае дали Шпанецот ќе биде подготвен.

ИСТО СО РАФА

Споредбите меѓу Алкараз и Надал траат веќе некое време. И за успесите на теренот и за лошите работи, како повредите. Рафа се бореше и со повреди во текот на кариерата, а така е и сега, каде на 38 години се обидува да одигра уште еден турнир и да се збогува од теренот. Ќе се обиде да одигра најдобро на претстојниот Ролан Гарос.

Поради тој стил на игра, бркање по топки и прекарот „Бик од Мајорка“, кој го доби токму поради својата упорност и желба, многу се мачеше. Има 22 трофеи од Гренд Слемовите, но дури 12 пати пропуштил еден од четирите најголеми турнири поради проблеми со повреди. Вклучени се само турнирите пред операцијата и големите проблеми поради кои не игра повеќе од една година. А со него почна уште од ран период, од 17-18 години. Тој се повлече од Ролан Гарос во 2003 и 2004 година, а потоа од Вимблдон во 2004 година. Истата одлука ја донел во 2006 година во Австралија.

На Слемовите играше три години, а потоа во 2009 година поради проблеми со коленото се повлече од Вимблдон, а во 2012 година поради повреда на левото колено. Една година подоцна тој се повлече од Австралија опен поради стомачен вирус, а во 2014 година се повлече од УС Опен поради повреда на зглобот на десната рака. Потоа во 2016 година се повлече од Вимблдон поради повреда на зглобот на левата рака. Поради проблем со стапалото се повлече од УС Опен во 2020 година, а во 2021 година се повлече од Вимблдон и УС Опен поради проблем со левата нога.

Во исто време, Рафа мора да размислува за животот после тенисот. 2024 година ќе биде последната година од неговата кариера, како што потврди и самиот. Легендарниот кошаркар Дирк Новицки во претходно интервју призна дека жали што не се пензионирал порано. „Денес имам проблеми со стапалата. Има денови кога воопшто не можам да се движам. Тогаш мислам дека навистина вредеа последните две сезони во Далас. Знам дека е проклето тешко да го најдеш вистинското време да ја завршиш кариерата, но …“, рече Новицки.

Дали Надал би освоил уште еден слем доколку не се повредил? Кој знае, но барем би имал шанса да го стори тоа. И грижата за телото и работата за спречување повреди се исто така дел од спортот. Нешто што Ѓоковиќ го усоврши. Рафаел не обрнуваше премногу внимание на тоа, како што рече и неговиот вујко Тони. На Алкараз сега му претстои долга кариера. Потенцијалот е таму, играта е таму, се што е потребно за успех е таму. Дали може да остане здрав? Се чини дека тоа е главното прашање за кариерата на суперталентираниот Шпанец.