Квалификациите за Светското првенство во снукер донесоа едно големо изненадување, на главниот турнир ќе го нема светскиот првак од 2010 година, Нил Робертсон. Ова ќе биде првпат по 20 години на СП да го нема 42-годишниот Робертсон.
„Молњата“ од Австралија во квалификациите стигна до 100-ти троцифрен брејк во кариерата во „Крусибл театарот“ во Шефилд, каде што се игра Светското првенство, се чинеше дека е во форма, но сепак во решавачкиот меч против Џејми Џонс од Велс беше поразен со 9-10 во фрејмови, иако Робертсон водеше со 8-5 и 9-8.
Робертсон е 24-ти на ранг-листата, годинава има послаби резултати и мораше да игра квалификации за настап на СП. Во првото квалфикациско коло го разби Зак Шурти со 10-2, но во клучниот меч загуби пет од последните шест фрејма и испадна.
