Реал Мадрид и голманот Андриј Лунин се многу близу да ја продолжат соработката, објавува „Атлетик“.
Клубот е презадоволен од тоа како Украинецот се покажа на голот по повредата на Тибо Куртоа и го истисна од првиот тим Кепа Аризабалага, кој пак дојде на позајмица од Челси. „Кралевите“ ќе му понудат нов договор на Лунин до јуни 2028 година. Актуелната соработка помеѓу двете страни истекува во летото 2025 година.
Голманот, кој има 25 години пристигна во Реал во летото 2018 година од Зорија Луганск. По неколку позајмици во Овиедо, Легањес и Ваљадолид, тој ја доби вистинската шанса по повредата на Куртоа и не разочара. Затоа Реал сака да ја продолжи соработката на дополнителни три години.