Салатата Мимоза е веројатно најпопуларна после руската. Се подготвува за разни прослави, а како и руската има неколку верзии.
Ова е основниот рецепт, кој многу домаќинки го модифицираат според вкусот на домаќинството и гостите, пишува Citymagazine.
Состојки:
- 4 компири
- 6 тврдо варени јајца
- 200 гр пресувана шунка или шунка
- 300 гр тврдо сирење (Кашкавал, Трапист…)
- 1 павлака
- 100 гр мајонез
- сол, бибер
Подготовка:
Компирите сварете ги во лушпа и изладете ги. Варете ги јајцата подолго од 5 минути, за да не течат жолчките.
Направете прелив за салата со мешање павлака и мајонез. Зачинете го преливот по вкус.
Сите состојки се рендаат и се редат во слоеви во садот во кој ќе се сервираат.
Дното на садот се премачкува со слој мајонез и павлака.
Прво се ставаат ренданите компири, а врз нив се става преливот. Шунката изрендајте ја (или ситно исечкајте ја) и премачкајте ја со преливот во тенок слој.
Вареното јајце изрендајте го, па преливот. Над јајцата се ренда сирење.
Повторно редете ги состојките по истиот редослед додека не се потрошат. На крај изрендајте уште малку сирење и декорирајте со рендани жолчки, за салатата да го оправда своето име.
