Репрезентацијата на Шпанија не успеа да ја совлада селекцијата на Бразил на пријателскиот меч одигран на Сантијаго Бернабе во Мадрид, иако имаше предност од 3-2 се до последните секунди. На крајот се спаси Бразил со гол на Пакета од белата точка.
Родри првиот гол го постигна во 12. минута, а потоа Олмо во 36. минута успеа да зголеми на 2-0. Бразил се врати, Родриго во 40 минута намали, а Ендрик во 50. минута изрмани. Меѓутоа Родри во 87. минута со нов гол од белата точка донесе предност, но Пакета на ист начин на другата страна во 95. минута израмни и донесе реми за Бразил.
После поразот од Германија, Франција со мали проблеми на почетокот, на крајот успеа да ја совлада селекцијата на Чиле со 3-2. И покрај предноста на Чилеанците уште рано во мечот, сепак, светскиот вицепрвак ја оправда фаворитската улога и успеа да слави триумф.
Нунез во 6. минута го замолкна стадионот во Марсеј. Но, Франција брзо се врати и најпрво преку Фофана во 19. минута израмни, за Коло Муани во 25. минута да донесе предност. иру во 72. минута ја зголеми предноста, а Осорио само успеа да намали.
Селекцијата на Хрватска во пријателски меч во Каиро ја совлада репрезентацијата на Египет со 2-4. За Хрватите стрелаа Влашиќ, Петковиќ, Крамариќ и Мајер, додека за Египет стрелци беа Рабиа и Аблдемонем.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
