Малолетна девојка заврши со изгореници по телото по добиен струен удар додека била качена на вагон на железничката станица во скопската населба Маџари. Неофицијално, девојката качена на возот снимала видео за социјалната мрежа Тик Ток.
Според полициски информации, повредената е 17-годишна девојка која е пренесена во ургентниот центар во комплексот клиники „Мајка Тереза“ во Скопје. Информациите оттаму, што ги објавија дел од медиумите, се дека девојката е во стабилна состојба, но со сериозни изгореници по телото.
Дека над еден од вагоните на железничката станица се случил струен удар при што е повредено едно лице, во СВР Скопје било пријавено денеска во 13:41 часот. На самото место дошле припадници на полицијата, потивпожарна единица и итна помош.