Последните инспекциии потврдија сериозни регулаторни прекршувања, изјави Марија Митева, портпаролка на владата, на денешната прес-конференција во однос на контролите на Државниот пазарен инспекторат.
„Доказите се јасни. Од вчера направената контрола на 12-те објекти со активна, важечка лиценца, до овој момент е утврдено дека три од нив не исполнуваат услови, односно минимум технички услови, а сепак имаат активна лиценца за вршење на дејност. За останатите девет, сè уште е во тек проверката на документацијата и во текот на денот ќе излеземе со дополнителни информации“, рече Митева.
Таа додаде дека до министерството за економија веднаш ќе биде испратено барање за забрана за вршење на дејност и сите казнени одредби кои што се возможни, согласно закон, ќе бидат преземени.