Франциска Гифи, сенаторка од Берлин и поранешена градоначалничка, е повредена кога маж ја удрил одзади со тежок предмет во локалната библиотека, соопшти денеска полицијата, пренесе Ројтерс.
Гифи, локалниот министер за економија и член на Социјалдемократите (СПД), бил погоден во главата и вратот со торба во која имало нешто тврдо, се вели во соопштението на полицијата, пренесува Гардијан.
Нападот доаѓа во време на зголемена загриженост во Германија поради серијата напади врз политичари. Четворица германски тинејџери се под истрага за насилниот напад врз пратеникот на социјалдемократите во Европскиот парламент Матијас Еке, кој со тешки повреди е пренесен во болница. Еке беше клоцан и претепан во петокот вечерта додека лепеше плакати за СПД во источниот град Дрезден.