Гостивар
Велковски во Гостивар на средби со социјалните служби и со пензионерите
Министерот за труд и социјална политика во техничката Влада, Ѓоко Велковски денес беше во посета на Центарот за социјална работа во Гостивар, како и на средба со пензионери.
Состојбите и предизвиците со кои се соочуваат во секојдневната работа беа тема на разговор со социјалните служби.
„Во рамки на овие работни посети разговараме за сите предизвици коишто биле или следат во иднина или се актуелни во самите центри. Социјалните служби тука се секојдневно и во постојана комуникација, со секој еден предизвик буквално се борат да им помогнат на луѓето, тоа во најголем дел се професионалци кои долги години работат и со своето искуство може да помогнат да течат сите процеси најнормално и во време на техничка Влада. Конкретно во Гостивар ги посочија бројот на предмети коишто ги имаат постојано, бројот на корисници како и предизвиците со самиот систем на проверка на податоците. Електронскиот систем за нив и после толку време е предизвик, затоа ќе работиме токму на тоа, да биде полесно во иднина за социјалните работници .“, изјави министерот.
Во однос на постапувањето по откриените над 2.200 корисници кои примале гарантирана минимална помош и социјална пензија, а се утврдило според евиденцијата на МВР дека се се сопственици на возило Велковски рече.
„По електронски систем со МВР треба да се разменуваат податоците, кои од оние кои добиваат гарантирана помош и социјална пензија имаат регистрирано возило во семејството, што е услов да не може да биде дел од социјалната заштита. Ги правиме последните проверки, инспекциите се на увид, на лице место да ја утврдиме слабоста на системот. Факт е дека список на вакви 2.252 возила стигна од МВР, не сме го нашле ние тој список. Ги проверуваме неколку дена, кај ќе се појави потреба, а не сме знаеле дека имаат возило, се стекнале со одредено право, што е незаконско, службите ќе постапуваат според закон. Мене ми е навистина жал што системот затаил некаде во целиот процес, ќе видиме што е таа слабост за да можеме брзо да ја отстраниме, да не постојат вакви ситуации.“, подвлече тој. Во Гостивар такви случаи се околу 160.
Во рамки на посетата на Гостивар, министерот оствари и средба со пензионери.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот