Нашиот јужен сосед остана без пласман на Европското првенство

Првпат во својата историја, фудбалската репрезентација на Грузија ќе игра на Европско првенство, откако вечерва, во финалето од плејофот, ја победи Грција на пенали со 4-2.

По 120 минути игра немаше голови, а дополнителен проблем беше тоа што во продолженијата се повреди најдобриот грузиски фудбалер Квича Кварацкелија. Во пенал-серијата, Бакасетас и Јакумакис промашија за Грција, Микаутидѕе беше непрецизен за Грузија, но сепак домашната селекција беше подобра и обезбеди пласман на континенталниот собир.

Грузија беше на чекор од деби на европските првенства и пред три години, но тогаш во баражот загуби од Македонија на домашен терен со 0-1.

На Европското првенство, репрезентацијата на Грузија ќе биде во групата Ф, со Турција, Португалија и Чешка.

Share on Facebook

Tweet

Follow us

Save