Без разлика дали се подготвувате за 1-ви мај или размислувате за добра скара за Велигден, дури и ако не сте експерт, со овие совети ќе ви олесниме да подготвите совршено сочна скара.
Една од најважните работи е дефинитивно огнот и изборот на вистинското месо – најдобро би било свинско или пилешко да се пече на скара, но не и говедско бидејќи може да биде тврдо.
Што се однесува до огнот, ставете го месото на скара само кога ќе се создаде добар жар, добро е да користите јаглен за ова и никогаш да не дозволите некој случајен пламен директно да го допре месото.
Стариот добар трик е да ги изгаснете тие пламени со пиво, односно да посипете неколку капки, бидејќи дури и ако месото малку го прелиете, тоа ќе му даде посебна сочност и арома.
За да не се залепи месото на решетките, прво премачкајте ги со малку маснотии – по можност сланина или едноставно подмачкајте крпа и добро премачкајте ја скарата.
Пред да го ставите на скара, чувајте го месото во маринадата најмалку половина час пред подготовката, но добро исцедете го од вишокот маринада за да не предизвика пламен, што не го сакате.
Имаме одличен рецепт за маринада со која месото ќе биде навистина сочно и вкусно, а добро би било вака маринираното месо да се чува во фрижидер неколку часа:
100 мл масло
1 кромид
1 лажичка мелена пиперка
400 мл пиво
2 лажички сол
1/2 лажичка бибер
4 чешниња лук
4 лажички сув билен зачин
1 китка магдонос
Лукот исечкајте го што поситно и ставете го во сад каде што ќе го соедините со пиво, пиперка, масло, сечкан кромид и сечкан магдонос. Во тавчето/контејнерот наредете ред месо, ред маринада додека не потрошите се, а последниот ред секако е маринадата која убаво ќе го покрие целото месо.
Доколку сакате да испечете и зеленчук на скара, најдобро е да не го ставате директно на скара туку во алуминиумска фолија, а оние зеленчуци богати со сокови да останат сочни, како: тиквички, пиперки, печурки…
