Започнува последната битка за Македонија, во 20 часот пред Влада
„За промените кои се во твои раце“. „Започнува псоледната битка за Македонија“. Под ова мото ВМРО-ДПМНЕ вечерва од пред Владата во Скопје го започнува патот кон промените во Македонија која велат во изминатите 6 и пол години е понижувана, угнетувана, ограбувана.
„СДС уништи се, и ја уназади Македонија. За 6 и пол години колку што е СДС на власт растот на БДП по глава на жител во Македонија е само 20%, додека кај земјите во регионот над 50%. Нема поголем доказ дека 6 и пол години Македонија ја водат неспособни и криминални луѓе. 6 и пол години нема учебници за учениците, се краде на болните од рак, субвенции доцнат. Време е да се случат промени. Време е Македонија да се исправи. Од денес почнува последната битка за промените“, предупредуваат од ВМРО-ДПМНЕ.
Од најголемата опозициска партија ги повикуваат сите граѓани во 20 часот на платото пред влада на голем сенароден митинг да испратат порака дека времето на власта заврши.
„ВМРО-ДПМНЕ има план и програма да донесе просперитет. За Македонија повторно твоја. Промените се во твои раце“.