По гласањето, Советот за безбедност на ОН повторно го одби предлогот на Руската Федерација да се расправа за НАТО бомбардирањето на СР Југославија.По дискусијата во Советот за безбедност на ОН, дневниот ред беше ставен на гласање – шест гласа за, нула против и девет воздржани. Така, дневниот ред не беше усвоен, бидејќи не доби доволен број гласови, изјави претседавачот.
Претставникот на Франција изјави дека Советот за безбедност има надлежност да се занимава со прашања за нарушување на националната безбедност, тој не е форум за историски прашања.
„Советот е секогаш отворен да се занимава со прашањето за спроведувањето на резолуцијата 1244 што се однесува до Косово“, додаде тој.
Тој ги повика членовите на Советот за безбедност да не го поддржат овој предлог.
Претставникот на Русија рече дека не може да се почитува ставот на француската делегација дека Русија не се консултирала со Србија, бидејќи на последната средба присуствувал актуелниот министер за надворешни работи Ивица Дачиќ, кој дојде во Њујорк на седницата.
„На последната седница ни приговараа дека не сме имале консултации со други постојани членови, но тоа не е точно. Уште еднаш сме сведоци дека Обединетото Кралство, Франција и САД не сакаат да разговараат за тема која не им одговара“, изјави претставникот на Русија.
Американскиот претставник рече дека барањето на Русија и нејзините аргументи за ова прашање се налудничави, бидејќи Русија бара и процедурални гласови за теми предложени од други земји.
Претставникот на француската делегација рече дека оваа дискусија може да трае неодредено и побара од претседавачот да го стави предметот на гласање.
Да потсетиме, Јапонија на повеќекратно барање на Русија за денеска закажа состанок на Советот за безбедност на Обединетите нации за агресијата на НАТО врз СРЈ.
На седницата на Советот за безбедност на ОН одржана на 25 март, НАТО бомбардирањето на СРЈ не беше ставено на дневен ред затоа што 12 членови на тоа тело беа воздржани, а тројца – Русија, Кина и Алжир беа единствените кои разговараа на темата.
