12 доктори на науки денеска промовираше штипскиот универзитет „Гоце Делчев“ во склоп на одбележувањето на 17 години постоење. Најголем дел од докторите на науки се од обласата на медицина и уште четири има од останатите факултети.
„Имаме вкупно осум од Факултетот за медицински науки, тоа се од различни подрачја и имаме уште пет доктори на науки од повеќе факултети по еден“ – вели Мираковски.
Маја Чочевска докторираше на Факултетот за медицински науки отсек Фармација, а какошто вели нејзината теза е од полето на радиофармацијата.
„Мојата теза беше воведување методологија за развој на нов радиофармацевт кој се користи за тумори. Радиофармацијата во Македонија се уште е неразвиена и е многу потреба да се направи таков чектор каде ќе се воведат нови и развојни методи за синтеза и производство на лекови, на фармацевтски дозирани форми и навистина ќе придонесе особено во клиничката фаза“ – вели Чочевска.
Теодора Топчева е новиот доктор на науки на Машинскиот факултет, а темата на трудот и е мерење и изложеност на работниците на бучава по погон за производство за автомобилска индустрија. Посочува дека трудот го има изработено со помош на лабараторијата АМБИКОН при УГД-Штип, а според истражувањето компаниите треба да водат сметка за бучавата во која работа. Според неа реалниот сектор, а особено големите компании внимаваат и ги почитуваат законските норми.
„Темата беше анализа на нивоата на персонална изложеност на бучава во погон за производство во автомобилска индустрија и влијанијата врз перформансите на вработените. Влијанијата ги утврдивме токму со оргиналниот труд кој го изработивме заедно со лабороторијата за животна и работна средина, и утврдивме дека влијанијата се значајни и треба компаниите да водат сметка“ – вели Топчева.
Оваа пракса се спорведува секоја година традиционално по повод одбележување на патрониот празник на Универзитетот „Гоце Делчев“. Ректорот Мираковски посочи дека тенденција е секоја година да има се повеќе доктори на науки кои своето образование го завршуваат токму на штипскиот универзитет.
Лаура Стојанова М-Нет