Поранешната српска тенисерка Ана Ивановиќ со својот сопруг, поранешниот фудбалер Бастијан Швајнштајгер присуствуваше на доделувањето на најпрестижните филмски награди, популарните Оскари, а на црвениот тепих блесна во долг жолт фустан.
Големо внимание привлече и часовникот на раката на поранешната тенисерка, а многумина особено ги заинтригира цената која изнесува 500.000 евра, како што пренесува страницата на Инстаграм која се занимава со проценка на познатите часовници, односно на рачните часовници на славните личности.
Станува збор за „Ролекс“ изработен од бело злато и покриен со дијаманти, а моделот е уникатен и наводно повеќе не се произведува.
View this post on Instagram
– Ана Ивановиќ поседува „Ролекс рејнбоу дејтон“ (Rolex Rainbow Dayton), кој повеќе не се произведува! На доделувањето на Оскарите, поранешната тенисерка и амбасадорка на брендот „Ролекс“ се појави со уникатен хронограф со референтна ознака 116599RBOW со специјална конфигурација на бројчаникот: дијамантски бројчаник со сафири. Куќиштето на овој часовник е изработено од бело злато со фабрички сет од дијаманти и сафири како на бројчаникот и рамката, така и на навртките и штитниците за круната. Прикажаниот модел повеќе не се произведува, а додека се продаваше неговата цена во салонот не беше помала од 120.000 евра. Пазарната вредност на часовникот не ѝ е позната на јавноста, но можеме да процениме врз основа на моделот на истата референтна ознака само со „обичен“ црн бројчаник. Цена: 500.000 евра (проценета пазарна цена) – пишува на Инстаграм.
View this post on Instagram
Да потсетиме, Ана во текот на својата тениска кариера потпиша спонзорски договор со престижната компанија „Ролекс“, за која сè уште е едно од заштитните лица. Затоа, се претпоставува дека поранешната српска тенисерка има богата колекција на скапи часовници.
