Гостивар
Трка и подарок велосипеди за средношколци во Гостивар по повод 3 Јуни
Со велосипедска трка на средношколци низ гостиварските улици и подарок велосипед за секој учесник, во Гостивар беше одбележан Светскиот ден на велосипедизмот, 3 Јуни. Активноста ја организираше општината во соработка со Сојузот на училишни спортови – Гостивар и компанијата Вардар Доломит.
На ваков начин се цели да се сензибилизира населението да користи повеќе велосипеди и да избегнува други превозни средства кои предизвикуваат загадување на воздухот и отежнат сообраќај.
„Заедно донираме 21 велосипед на ученици од четирите средни училишта во Гостивар. Сакаме да ги мотивираме децата што повеќе да користат велосипеди. Минатите години во еколошките програми на општината беа предвидени субвенции за купување на велосипеди, а годинава решивме да подариме на учениците. Гостивар има скоро 7 километри велосипедски патеки, идејата е граѓаните, особено во летниот период што помалку да користат автомобили, а што почесто велосипеди. Така и загадувањето на воздухот е помало, но и помалку возила ќе има низ градот. Инаку, јас редовно возам велосипед, годинава уште не сум го користел поради честите врнежи, но дефинитивно да, возам редовно велосипед“, рече градоначалникот, Арбен Таравари.
Претседателот на Сојузот на спортови-Гостивар Бурим Бешири упати благодарност до општината и компанијата вклучена во активноста, нагласувајќи дека децата треба да бидат повеќе физички активни.
„Може да оценам дека децата не се доволно физички активни и многу време поминуваат на мобилните телефони и социјалните мрежи. За нивното здравје и развој добро е да спортуваат и да бидат повеќе активни. Токму низ ваквите активности сакаме да ги мотивираме и поттикнеме кон тоа“, кажа Бешири.
Трката започна пред општинската зграда и се одвиваше преку улиците Кеј Вардар – Беличица – Гоце Делчев, со финиш на истото место како стартот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар