Имате проблеми со жолти дамки од пот на вашата облека? Еве како да ги отстраните
Кога потта се меша со траги од дезодоранс или детергент за перење, може да се појават жолти дамки на облеката.
Добрата вест е што можете лесно да ги отстраните. За да се ослободите од жолтите дамки од вашата омилена облека ќе ви требаат неколку состојки:
- 250 мл бел оцет
- 500 мл топла вода
- 120 гр сода бикарбона
- една лажица сол
- една лажица водород пероксид (може да се купи во аптека)
Во пластичен леген измешајте го белиот оцет и топла вода, па натопете ја облеката во растворот 20 минути. Во друг сад измешајте ги содата бикарбона, солта и водород пероксидот додека не се формира смеса слична на паста.
Извадете ја облеката од оцетот и водата, исцедете ја внимателно и со крпа нанесете ја пастата на дамката, пероксидот ќе ја избледи, а солта и содата целосно ќе ја исчистат дамката. Оставете ја пастата 20 минути, а потоа исперете ја облеката во машина и оставете ја да се исуши.