Рускиот министер за надворешни работи Сергеј Лавров изјави дека Украинците заслужуваат пријателски однос со словенските браќа и дека ќе бидат ослободени од „неонацистичките владетели“.
„Украинскиот народ ќе биде ослободен од неонацистичките владетели. Тие заслужуваат да живеат во добро соседство, пријателство, просперитет, покрај нивните словенски браќа“, изјави Лавров во документарен филм емитува на руската државна телевизија Росија-24, пренесе ТАСС.
Додаде дека Европа го оживува неонацизмот низ светот и доказ за тоа е украинската криза.
„Претпоставувам дека во дел од Европа оживува неонацизмот. Тешко е да се донесе друг заклучок. Францускиот претседател Емануел Макрон неодамна праша зошто Украина да живее по моделот што Русија го наметнува. Но, не праша зошто Русите кои живеат во Украина треба да живеат по модел наметнат од неонацистите. Тоа се очигледни двојни стандарди. Ова, без срам, излезе од устата на човек кој сака да бидел главен политичар во Европа“, додаде Лавров.
Рускиот министер истакна дека Европа игра во тандем со САД и ЕУ нема скоро никаква независност бидејќи Вашингтон ја презеде контролата во Брисел.