МАКЕДОНИЈА
Денеска гласа и дијаспората
И на овие избори бројот на гласови од дијаспората ќе биде симболичен. Вкупно 2571 гласач се јавиле и се стекнале со право на глас. Дијаспората гласа на 31 избирачко место во канцелариите на конзуларно – дипломатските претставништва на земјава, каде за избирачките одбори се испратени 191 член.
Што се однесува до дијаспората, како и за другите категории граѓани кои гласаа денеска, резултатите ќе бидат познати утре .
Најмногу заинтересирани за гласање во дијаспората има во Берлин, Берн, Бон, Виена, Љубљана, Минхен и Торонто.
Дијаспората нема да гласа на парламентарните избори бидејќи бројот на заинтересирани е многу мал и не го исполнува потребниот цензус.
Фатлуме Дервиши